श्रावण १६ , २०८२ काठमाडौं – गृह मन्त्रालयले सरुवा/पदस्थापन भइसकेपछि पनि तोकिएको कार्यालयमा एक महिनासम्म नहाजिर भएका कर्मचारीहरूलाई २४ घण्टे उर्दी जारी गरेको छ। मन्त्रालयको कर्मचारी प्रशासन शाखाले बिहीबार निर्णय गर्दै १८ जना शाखा अधिकृत र ५ जना नायब सुब्बालाई २४ घण्टे भित्र खटाइएको स्थानमा हाजिर हुन निर्देशन दिएको हो।

मन्त्रालयले आज आफ्नो वेभ पोर्टलमार्फत सम्बन्धित कर्मचारीहरूको नाम सार्वजनिक गर्दै उर्दी जारी गरेको छ। हाजिर नभएका मध्ये १ जना शाखा अधिकृतको सरुवा गत असार १६ गते, ७ जनाको असार १८ गते र १० जनाको साउन ७ गते गरिएको थियो। त्यसैगरी, साउन १८ गते पदस्थापन गरिएका ५ जना नायब सुब्बा पनि अहिलेसम्म हाजिर नभएको मन्त्रालयले जनाएको छ।

मन्त्रालयले तोकिएको समयसीमा भित्र हाजिर नभएमा प्रचलित कानुनअनुसार कारबाही प्रक्रिया अघि बढाउने चेतावनी पनि दिएको छ।