असार ३, २०८२ काठमाडौं । आज सुनको मूल्य २५ सय रुपैयाँले घटेको छ । नेपाल सुनचाँदी व्यवसायी महासङ्घका अनुसार मंगलबार  छापावाल सुनको मूल्य तोलाको एक लाख ९५ हजार रुपैयाँमा कारोबार भइरहेको छ । सोमबार सुन प्रतितोला एक लाख ९७ हजार ५ सय रुपैयामा कारोबार भएको थियो । 

यस्तै, आज चाँदीको मूल्य पनि घटेको छ । महासङ्घका अनुसार आज चाँदी २ हजार १ सय ६० रुपैयाँमा कारोबार भइरहेको छ । सोमबार चाँदी २ हजार १ सय ६५ रुपैँयामा कारोबार भएको थियो । 

आज प्रति १० ग्राम सुनको मूल्य एक लाख ६७ हजार १८० रुपैयाँ र प्रति १० ग्राम चाँदीको मूल्य एक हजार ८ सय ५२ रुपैयाँ कायम भएको छ ।