काठमाडौं । स्वरोजगार लघुवित्त वित्तीय संस्था लिमिटेडको संस्थापक सेयर बिक्रीमा राखिएको छ । लघुवित्तको ५४ हजार ४६४ कित्ता संस्थापक सेयर बिक्रीमा राखिएको हो । जसमध्ये ३३ हजार ९६४ कित्ता सेयर संस्थापक सेयरधनीले र २० हजार ५०० कित्ता सेयर सर्वसाधारण लगानीकर्ताले खरीद गर्न पाउनेछन्।

कम्पनीले संस्थापक सेयरधनीले खरीद गर्ने सेयरको प्रतिकित्ता न्यूनतम मूल्य ३१५ रुपैयाँ तोकेको छ। तर सर्वसाधारणका लागि बिक्री खुला गरिएको सेयरको कुनै मूल्य तोकिएको छैन।

इच्छुक लगानीकर्ताले अबको ३५ दिनभित्र काभ्रेपलाञ्चोकको बनेपा–५ स्थित कम्पनीको केन्द्रीय कार्यालयमा लिखित निवेदन दिनु पर्नेछ।