चैत्र २७, २०८१ काठमाडौँ: टोखा नगरपालिकाले वडा नं. ११ ले विष्णुमती करिडोर क्षेत्रमा १० फिटे फुटपाथ सडक निर्माण कार्यलाई तीव्रता दिएको छ । करिडोर निर्माण क्षेत्रमा यस अगाडि नै सम्पन्न गरिसक्नुपर्ने भए पनि फुटपाथ सडक निर्माणमा टप क्वालिटी पोल्ट्री फिड फर्म एण्ड ह्याचरी प्रालि. रहेको व्यवसायिक घरले नगरपालिकाको निर्देशनको अवहेलना गर्दै सहजता प्रदान नगरेपछि नगरपालिकाको डोजर लगाई घरको पर्खाल भत्काइएको छ ।

नगर प्रमुख प्रकाश अधिकारी, उपप्रमुख मुरारी तामाङ, प्रमुख प्रशासकिय अधिकृत शेरबहादुर बिसी, वडा अध्यक्ष घनश्याम खड्का, वडासदस्य महेस थपलियासहित स्थानीय जनप्रतिनिधी, नगर प्रहरि, नेपाल प्रहरि सहितको टिमको सहभागितामा घरको बाटो तर्फको वाल र गेट हटाई १० फिटे फुटपाथ निर्माणमा खुल्ला गरेको टोखा नगरपालिकाले जनाएको छ ।