• 10:52 am

राष्ट्रिय ध्वजवाहक मास्ने गरि योगेश भट्टराईले दिएको अभिव्यक्तिप्रति वायुसेवा निगम संयुक्त ट्रेड युनियनको गम्भीर ध्यानाकर्षण

प्रकाशित मिति

२०८० असार १५ गते, शुक्रबार ०९:१०

असार १५, २०८०, काठमाडौँ: नेपाल वायुसेवा निगम संयुक्त ट्रेड युनियनले पूर्व नागरिक उड्डयन मन्त्री योगेश भट्टराईले भ्रम फैलाएको आरोप लगाएको छ। पूर्वमन्त्री भट्टराईले संसदीय समितिमा कपोकल्पित र तथ्यहीन तवरले राष्ट्रिय ध्वजाबाहक निगमलाई नै धराशायी पार्ने अभिव्यक्ति दिएको ट्रेड युनियनको भनाई छ ।


संसदीय समितिमा भट्टराईले ३ हजार कर्मचारी रहेको र ग्राउन्ड हेन्डिलिङ राम्रोसँग नगरेको आरोप लगाएका थिए। संयुक्त युनियनले निगममा स्थाई, करार र ज्यालादारीमा ५०१ जना गरी जम्मा १३ सय ४१ जना कर्मचारी रहेको र ग्राउन्ड हेन्डलिङ लगायतमा अझै अपुग रहेको बताएको छ ।


योगेश भट्टराईले उड्डयन मन्त्रालय सम्हाल्दै गर्दा उनको निर्देशनमा हिमालयन एयरलाइन्सलाई सेल्फ ग्राउन्ड हेन्डिलिङ दिने जस्ता गम्भीर विषयवस्तु सरोकारवाला निकायसँग छलफल गरेर नेपाल वायुसेवा निगमलाई मास्न लागेको युनियनले आरोप लगाएको हो ।


कोरोनाकालमा निजीलाई बढी उडान अनुमति दिएको र निगमलाई कम उडान दिएको कर्मचारीले उल्लेख गरेका छन् । निगमले हाल १० वटा अन्तर्राष्ट्रिय गन्तव्यमा हप्ताको ४३ उडान र १६ आन्तरिक गन्तव्यमा २५ वटा उडान गर्दै आएको छ ।

प्रतिकृया