• 3:48 am

ललिता निवास प्रकरणमा मीनबहादुर गुरुङसहितलाई थुनामा राखिएकाे बारे सर्वोच्चले माग्यो सरकारसँग जवाफ

प्रकाशित मिति

२०८० असार १५ गते, शुक्रबार ०४:२१

१५ असार २०८०, काठमाडौँ: ललिता निवास जग्गा प्रकरणमा पक्राउ परेकामध्ये तीन जनाले दायर गरेको बन्दीप्रत्यक्षीकरणको मुद्दामा सर्वोच्च अदालतले लिखित जवाफ माग गरेको छ ।


लिखित जवाफपछि मात्रै सर्वोच्चले थुनामुक्त गर्न आदेश दिने/नदिनेबारे निर्णय गर्ने जनाएको छ । पक्राउ परेका मीनबहादुर गुरूङ, सुधिर शाह र धर्मप्रसाद गौतमले बन्दीप्रत्यक्षीकरणको रिट दायर गरेका थिए । उनीहरुले हदम्याद कटिसकेको मुद्दामा पक्राउ गर्नु गैरकानुनी भएको भन्दै थुनामुक्त गर्न समेत माग गरेका थिए ।


न्यायाधीश कुमार चुडालको एकल इजलासले उनीहरुलाई पक्राउ गरेर थुनामा राख्नुको कारण पेश गर्न विपक्षीलाई २४ घण्टाको म्याद दिएको छ । अदालतको आदेशमा भनिएको छ, ‘निवेदकको माग बमोजिम आदेश किन जारी हुनु नपर्ने हो ? बाटोको म्यादबाहेक २४ घण्टाभित्र महान्यायाधीवक्ताको कार्यालयमार्फत लिखित जवाफ पेश गर्नु ।’


यसअघि बिहीबार जिल्ला अदालतले उनीहरुलाई सात दिन हिरासतमा राखेर अनुसन्धान गर्न अनुमति दिएको थियो ।

प्रतिकृया