१४ वैशाख २०८०, काठमाडौँ: नेपाल धितोपत्र बोर्डले अप्पर स्याङ्गे हाइड्रोपावर कम्पनीलाई प्राथमिक सेयर निष्कासन (आईपीओ) जारी गर्न अनुमति दिएको छ । बोर्डले वैशाख १३ गते कम्पनीलाई आईपीओ जारी गर्न अनुमति दिएको हो। अब कम्पनीले ८ करोड ७० लाख रुपैयाँ बराबरको ८ लाख ७० हजार कित्ता आईपीओ निष्कासन गर्नेछ।

आईपीओ निष्काशन तथा बिक्री प्रबन्धकमा सिद्धार्थ क्यापिटल लिमिटेड रहेको छ । अब कम्पनीले पहिलो चरणमा स्थानीय बासिन्दा र वैदेशिक रोजगारीमा गएका नेपालीहरुका लागि निष्कासन गर्नेछ भने दोस्रो चरणमा सर्वसाधारणका लागि निष्काशन गर्नेछ ।