१६ पुष, २०७९, काठमाडौँ: प्रभु बैंक प्रवद्धक रहेको प्रभु म्युचुअल फण्ड अन्तर्गत सञ्चालित “प्रभु सेलेक्ट फण्ड” ले मंसिर मसान्तको खुद सम्पत्ति मूल्य सम्बन्धी विवरण सार्वजनिक गरेको छ । मंसिर मसान्तसम्ममा आइपुग्दा फण्डको प्रतिइकाई खुद सम्पत्तिको मूल्य (न्याभ) ९ रुपैयाँ ८४ पैसा रहेको छ । उक्त मूल्य कार्तिक मसान्तको तुलनामा एक पैसाले बढेको हो ।

कार्तिक मसान्तसम्ममा फण्डको प्रतिइकाई खुद सम्पत्तिको मूल्य ९ रुपैयाँ ८३ पैसा रहेको थियो । त्यसैगरी, मंसिर मसान्त सम्ममा फण्डले सूचीकृत कम्पनीको सेयरमा गरेको लगानी ४५ करोड २२ लाख ३१ हजार रुपैयाँमा सिमित छ । उक्त लगानी कार्तिक मसान्तको तुलनामा थोरै हो ।

कार्तिक मसान्तसम्ममा फण्डले सूचीकृत कम्पनीहरूमा ४५ करोड ४५ लाख ४३ हजार रूपैयाँ लगानी गरेको थियो । त्यस्तै फण्डको मुद्दती निक्षेपमा १८ करोड २५ लाख रुपैयाँ रहेको छ ।