५ भदौ २०७९, काठमाडौं:  आज नेप्से परिसूचक ७.७२ अंकले घटेर २०६०.५५ अंकमा झरेको छ। नेप्से घटेसँगै बिहीबारको तुलनामा कारोबार रकम पनि घटेको छ। आज २१८ कम्पनीको ५३ लाख ३९ हजार ४ कित्ता सेयर २ अर्ब ४ करोड ७० लाख ९३ हजार ६८९ रुपैयाँमा खरिदबिक्री भयो।

बिहीबार २२० कम्पनीको ५१ लाख १ हजार २९० कित्ता सेयर २ अर्ब ५७ करोड ९८ लाख ५७ रुपैयाँमा खरिदबिक्री भएको थियो। मन्दाकिनी हाइड्रो पावरको सेयर १० प्रतिशतले बढ्यो भने अपर हेवाखोलाको सेयर ९.९८ प्रतिशत बढेको छ। बिहीबार पनि यी दुवै कम्पनीको सेयर मूल्य बढेको थियो। कारोबारमा आएका १३ समूहको सूचकमध्ये चारवटाको सूचक बढेको छ। बाँकी सूचक घटेका छन्।