२८ साउन २०७९, काठमाडौँ :  खाद्य संस्थान र नेशनल ट्रेडिङबीच एकीकरण पश्चात् बनेको खाद्य व्यवस्था तथा व्यापार कम्पनी लिमिटेडले तेस्रो वर्ष पूरा गरी चौथो वर्षमा प्रवेश गरेको छ। यस अवसरमा आज आयोजित कार्यक्रममा माननीय उद्योग, वाणिज्य तथा आपूर्तिमन्त्रीज्यूले कम्पनीसँग भएको सम्पत्तिको यथार्थ अवस्था पहिचान गरी त्यसको उचित प्रयोगका लागि आग्रह गर्नुभएको छ। उहाँले संचालक समितिलाई कम्पनीसँग भएको सम्पत्ति, गोदाम, भाडामा दिएका जग्गा तथा संरचना, नेशनल ट्रेडिङको गोदाममा रहेका सामानको पनि यथार्थ विवरण ७ दिनभित्र आफूलाई उपलब्ध गराउन निर्देशन दिनुभयो।