१७ बैशाख २०७९, काठमाण्डौं : निर्वाचन आयोगले भक्तपुर जिल्लासहित ६ वटा महानगरपालिकाबाहेक अन्य ७६ जिल्लाका लागि मतपत्र छपाई सम्पन्न गरिसकेको छ । ४३ वटा जिल्लामा मतपत्र ढुवानीसमेत गरिसकेको आयोगले जनाएको छ । आयोगका अनुसार ७६ लाख ७३ हजार मतपत्र सबन्धीत जिल्लामा ढुवानीसमेत गरिसकेको जनाएको छ ।

काठमाडौंबाट लामो दूरीमा रहेका जिल्लालाई प्राथमिकता दिएर उक्त मतपत्रहरु विभिन्न जिल्लामा पठाउँदा मनाङ र मुस्ताङमा भने हेलिकोप्टरमार्फत पुर्‍याइएको छ । ४३ जिल्लाका लागि वैशाख १३ गते देखि नै मतपत्र छपाई सम्पन्न गरी विभिन्न जिल्लामा पठाइएको प्रवक्ता शालिग्राम तिवारीले बताए ।

हालसम्म १ करोड ८० लाख ४५ हजार मतपत्र छपाइको काम सम्पन्न गरेको आयोगले जनाएको छ ।