१४ मंसिर २०७८, काठमाडौं: राप्रपा अध्यक्ष प्रकाशचन्द्र लोहनीले नयाँ नेतृत्वलाई काम गर्ने मौका दिन अर्का दुई अध्यक्षलाई आग्रह गरेका छन् ।

‘म अन्य दुई अध्यक्षलाई पनि पार्टीको हितमा अभिभावकीय भूमिका निर्वाह गर्न र नयाँ नेतृत्वलाई काम गर्ने मौका दिन अनुरोध गर्दछु, ‘ मंगलबार आयोजित कार्यक्रममा अध्यक्ष लोहनीले भने ।

राप्रपाको महाधिवेशन भोलि बुधबारदेखि काठमाडौंमा हुँदै छ । अध्यक्षमा कमल थापा र राजेन्द्र लिङ्देनले उम्मेदवारी घोषणा गरेका छन् ।

वर्तमान अध्यक्ष पशुपतिशम्शेर जबराले चुनाव नलड्ने घोषणा गरेका छन् भने अर्का अध्यक्ष लोहनीले लिङ्देनलाई समर्थन गरेका छन् ।

।