काठमाडौं:  जनता समाजवादी पार्टीको संघीय परिषदका अध्यक्ष डा। बाबुराम भट्टराईले आफ्नो दलले सरकारको नेतृत्व गर्ने दाबी गरेका छन् । उनले आफ्नो दल कसैको पुच्छर नभएको उल्लेख गर्दै देशको नेतृत्व गर्ने दाबी गरेका हुन् ।

गएराति ट्वीट गर्दै भट्टराईले जसपाको भूमिकाबारे तीन बुँदामा देशको नेतृत्व गर्ने शक्ति भएको उल्लेख गरेका छन् । उनले गणतन्त्र, संघीयता, धर्मनिरपेक्षता र समावेशी लोकतन्त्रविरुद्ध जसपाले कसैसँग सम्झौता नगर्ने र सत्तारुपी जुवाको खालको च्याँखेदाउ थाप्ने खेलाडी नभएको समेत उल्लेख गरेका छन् ।

जसपाले सरकारको नेतृत्वको दाबी गरिरहँदा भट्टराईको पछिल्लो भनाई आएको हो । संसदमा चौंथो ठुलो शक्ति बनेको जसपा सरकार निर्माणमा निर्णायक अवस्थामा छ । जसपा तानातानमा भइरहँदा उसले आफै नेतृत्वको दाबी गरेको छ ।