पोखरा: तनहुँको देवघाट गाउँपालिकाले आयोजना गरेको श्रीमतीले श्रीमानलाई बोकेर दौडिने प्रतियोगितामा विष्णु अधिकारी र पदम अधिकारीको जोडीले प्रथम स्थान हासिल गरेको छ । १११ औं अन्तर्राष्ट्रिय नारी दिवसको अवसरमा जोडी दौड प्रतियोगिता आयोजना गरिएको गाउँपालिकाका अध्यक्ष दुर्गाबहादुर थापाले जानकारी दिए ।

उनका अनुसार प्रतियोगितामा विष्णु अधिकारी र पदम अधिकारीको जोडी प्रथम, गंगा गुरुङ र नवीन गुरुङको जोडी द्धितिय र सीता लामिछाने क्षेत्री र बमबहादुर थापा क्षेत्रीको जोडी तृतीय भएको गाउँपालकिाकी उपाध्यक्ष विमला थापाले जानकारी दिइन् । यो प्रतियोगितामा १४ जोडी सहभागी थिए ।

शारीरिक र मानसिक रुपमा महिला पनि पुरुषसरह हुन्छन् भन्ने सन्देश दिन यो प्रतियोगिताको आयोजना गरिएको उपाध्यक्ष थापाले बताईन । प्रतियोगिताका विजेताले शिल्ड र प्रमाणपत्र प्रदान गरिएको छ ।