काठमाडौंः नेपाली कांग्रेसका नेता डा. शेखर कोइरालाले प्रधानमन्त्री केपी ओलीले बैशाखमा निर्वाचन गराउन वा माधव नेपाल र प्रचण्डलाई तह लगाउन प्रतिनिधिसभा विघटन नगरेको बताएका छन् ।

शनिबार नेपाली कांग्रेस कञ्चनपुरले महेन्द्रनगरमा आयोजना गरेको अगुवा कार्यकर्ता भेलालाई सम्बोधन गर्दै नेता कोइरालाले यस्तो बताएका हुन् ।

उनले केपी ओलीको नियत सफा नभएकाले उनले वैशाखमा निर्वाचन नगराउने बताउदैं भने, ‘बैशाखमा निर्वाचन गराउनका लागि केपी ओलीको नियत सफा छैन ।’

डा। कोइरालाले प्रतिनिधिसभा विघटन अराजनीतिक र असंवैधानिक भएको भन्दै पुनर्स्थापनाको विकल्प नभएको भन्दै ओलीको कदम असंवैधानिक र अलोकतान्त्रिक भन्नेमा कांग्रेसभित्र कुनै विवाद नरहेको स्पष्ट पारे ।