काठमाडौंः नेपाली कांग्रेसले आज देशभरका सबै वडामा विरोध प्रदर्शन गर्दै छ ।

प्रधानमन्त्री केपी शर्मा ओली नेतृत्वको सरकारको सिफारिसमा भएको प्रतिनिधिसभा विघटनकोविरुद्ध कांग्रेसले देशभरका ६ हजार ७ सय ४३ वडामा प्रदर्शन गर्न लागेको हो।

विरोध प्रदर्शनलाई सफल बनाउन पार्टी सभापति शेरबहादुर देउवाले सम्पूर्ण नेता कार्यकर्ताहरुलाई आग्रह समेत गरेका छन् । उत्साहका साथ सरकारको यो कदमको विरोध गर्न देउवाको आग्रह छ ।

कांग्रेसले यसअघि पुस १३ गते १ सय ६५ निर्वाचन क्षेत्रमा, पुस २५ गते ३ सय ३० प्रदेशसभा निर्वाचन क्षेत्रमा र माघ ३ गते ७ सय ५३ वटा स्थानीय तहमा विरोध प्रदर्शन गरेको थियो।