काठमाडौं, फिलिपिन्समा आएको आँधीका कारण लाखौं सर्वसाधारण प्रभावित भएका छन् । यस वर्षको सबैभन्दा शक्तिशाली मानिएको गोनी नामको आँधी २२५ किलोमिटर प्रतिघण्टाको रफ्तारमा आएको अन्तर्राष्ट्रिय समाचार संस्थाहरुले जनाएका छन् ।

दक्षिणी फिलिपिन्सको क्याफेन्डुआनेस टापुमा आएको आँधीका कारण हजारौं नागरिक घर छाडेर भागेको बताइएको छ । फिलिपिन्सको मौसम विभागका अनुसार यो आँधी पश्चिम दक्षिणतर्फ अघि बढेकाले सो स्थानमा उच्च सतर्कता अपनाइएको अधिकारीहरुले जनाएका छन् ।

आँधीका कारण बन्दरगाह र विमानस्थहरु बन्द गरिएको छ भने शिक्षण संस्था, सरकारी कार्यालय र जिमखानाहरुमा प्रभावितहरुलाई राखिएको छ ।

एजेन्सी