ललितपुर, महानगरीय प्रहरी परिसर ललितपुरमा नवनिर्मित बाटिका तथा अमर प्रहरी स्मारक उद्‍घाटन गरीएको छ । प्रहरी स्मारकको उद्‍घाटन महानगरीय प्रहरी कार्यालय रानीपोखरीका प्रमुख प्रहरी नायव महानिरीक्षक विश्वराज पोखरेलले आज आयोजित एक कार्यक्रमबीच गर्नु भएको हो ।

कार्यक्रममा उहाले बाटिका तथा अमर प्रहरी स्मारक निर्माण कार्यमा विशेष योगदान दिनेहरुलाई प्रशंसापत्र तथा निर्माण कार्यमा सहयोग पुर्‍याउने प्रहरी कर्मचारीलाई नगद पुरस्कार प्रदान गर्नुभयो ।
नागरिकले प्रहरीलाई र प्रहरीले नागरिकलाई हेर्ने दृष्टिकोणमा परिवर्तन गर्दै एक अर्काको अपेक्षा अनुसार दायित्व निर्वाह गर्नुपर्ने उहाको भनाई छ ।