लक्ष्मण प्रसाद खतिवडा

बालुवाटार बेचिएछ बेचिएछ टुकुचा खोला
मनोहरा हनुमन्ते बेचिदिए कसो होला ।
पोखरीमा घर बन्छ खेतबारी बन्छ खोला
मूर्ति पनि बेचिए रे खोजविन कहिले होला ।।

हत्या हिंशा जताततै कोलाहल सबैतिर
न्याय माग्नुपर्ने देश अन्त कहाँ छ र ।
पानी पिउने आश गर्दा बन्यौं हामी काकाकुल
मेलम्चीले हाम्लाई मनाइरह्यो अप्रिल फूल ।।

जातिय विभेद जारी नै छ मनपरि सबैतिर
राजनेता छैनन् यहां कस्लाई छ देशको पिर ।
लालपूर्जा हातमै छ खेतबारी अर्कैले ताने
हेर्दा हेर्दै लिपुलेकमा विदेशीको गाडी जाने ।।

आउ साथी सबै मिली जातिय विभेद अन्त्य गरौं
सिमा मिच्ने विरुद्धमा एकजुट भै सबै लडौं ।
सबै मिली बस्न सके कस्ले हेप्न सक्छ यहाँ
बचाऔं देशलाई एक भई देशभक्त बनी जहाँ ।।