काठमाडौं । नेपाली कांग्रेसको केन्द्रीय कार्यसमितिको बैठक बुधबार (आज) दिउँसो बस्दैछ ।

पार्टी कार्यालय सानेपामा बस्ने बैठकमा पार्टीका आन्तरिक तथा समसामयिक र कोरोना भाइरससँग सम्बन्धित विषयमा छलफल हुने प्रवक्ता विश्वप्रकाश शर्माले जानकारी दिएका छन्।

शर्माले कोरोनाभाइरसको जोखिम नियन्त्रण र रोकथामका लागि सरकारले गरिरहेको कामको मूल्यांकन, भएका कमीकमजोरीहरुलाई सुधार्न सुझाव दिने र यस्तो बेला पार्टीको भूमिका कस्तो हुने भन्ने विषयमा छलफल हुने बताएका छन्।

अहिलेको समयमा सत्तारुढ दल र सरकारले जे गर्नुपर्ने त्यो भन्दा नगर्नुपर्ने काममा लागेको छ, त्यसमा प्रमुख प्रतिपक्षीको भूमिकाका साथै बजेट अधिवेशन समयमै बोलाउनुपर्ने भन्ने विषयमा छलफल हुने प्रवक्ता शर्माले बताए ।