धनगढी, हिँडेरै कैलाली आउन खोजेका ४२ जनालाई रुपन्देहीको क्वारेन्टाइनमा राखिएको छ। रुपन्देहीको बुटवलबाट पैदल हिँडेरै कैलालीको टीकापुर आउन खोजेका ४२ जना मजदुरलाई सैनामैना नगरपालिकाको क्वारेन्टाइनमा राखेको हो।

रुपन्देहीबाट कैलालीसम्म हिँडेर जाँदा कोरोना संक्रमणको जोखिम हुनसक्ने भएकाले उनीहरुलाई सैनामैनाको वडा नम्वर १ बनकट्टास्थित प्राकृतिक चिकित्सालयमा बनाइएको क्वारेन्टाइनमा राखिएको सैनामैना नगरपालिकाले जनाएको छ ।

क्वारेन्टाइनमा राखिएका सबैको स्वास्थ्य परीक्षण गरिने र स्वास्थ्य जाँचपछि उनीहरुलाई गाडीको व्यवस्था गरेर कैलाली पठाउने तयारी भईरहेको नगपालिकाले जनाएको छ ।