ललितपुर, कोरोनाभाइरस (कोभिड–१९) आशंकामा ललितपुरस्थित पाटन अस्पतालको आइसीयूमा राखिएका एक युवाको मृत्यु भएको छ ।
महानगरीय प्रहरी परिसर ललितपुरका अनुसार धादिङ खनियाँपानी घर भएका ३५ वर्षीय युवकको मृत्यु भएको हो ।

चैत १४ गते मात्रै भारतबाट नेपाल फर्किएका उनको सोमबार मृत्यु भएको हो । तर, उनको कोरोनाकै कारण मृत्यु भएको भने पुष्टि भइनसकेको पाटन अस्पतालले जानएको छ । पाटन अस्पतालका नमुना परीक्षणका लागि टेकुस्थित केन्द्रीय प्रयोगशालामा पठाइएको भएपनि रिपोर्ट भने नआइसकेको बुझिइएको छ ।

उनलाई अत्यधिक ज्वरो आएपछि कोरोनाको आशंकामा परीक्षणका लागि नमुना पठाइएको थियो । पाटन अस्पतालको आइसोलेनमा अहिले ३ जना कोरोना आशंका गरिएका बिरामी रहेका छन् ।