काठमाडौं, हतियारसहित नेपाल प्रवेश गरेका तीन जना भारतीय नागरिक पक्राउ परेका छन् । सुनसरीको सुनवर्षी नगरपालिका–८ हर्चनगढीबाट कटुवा पेस्तोल १ थान र गोली १ राउण्ड सहित उनीहरुलाई नेपाल प्रहरीले बिहीबार राति पक्राउ गरेको हो ।

पक्राउ पर्नेहरुमा भारत घर भएका अजयकुमार मण्डल, आन्नदकुमार मण्डल र राकेशकुमार साह रहेका छन् । प्रहरी चौकी सिक्टीबाट खटिएको प्रहरीले सुनवर्षी नगरपालिका–८ हर्चनगढीस्थित पसलमा मादक पदार्थ सेवन गरिरहेको अवस्थामा फेला पारी तलासी गर्दा उनीहरुको साथमा उक्त पेस्तोल र गोली फेला परेको प्रहरीले जनाएको छ।

साथै उनीहरुको साथबाट अनटेष्ट लेखिएको मोटरसाइकलसमेत प्रहरीले बरामद गरेको छ। हतियारसहित नेपाल प्रवेश गर्नुको कारणबारे अनुसन्धान भइरहेको प्रहरीले जनाएको छ।