काठमाडौं, सोमबार दिउँसो १ बजेको लागि प्रतिनिधिसभा बैठक बोलाइएको छ । संघीय संसदको महासचिव मनोहरप्रसाद भट्टराईका अनुसार आज बस्ने बैठकमा विभिन्न विधेयक र विधेयकसम्बन्धी प्रस्तावहरु पेश हुने कार्यसूची रहेको छ ।

बैठकमा प्रतिनिधिसभाका सभामुख अग्नि सापकोटाले ‘नेपाल राष्ट्र बैंक (तेस्रो संशोधन) विधेयक, २०७६ माथि विचार गरियोस्’ भन्ने प्रस्तावलाई निर्णयार्थ प्रस्तुत गर्नुहुनेछ ।

त्यस्तै गृहमन्त्री रामबहादुर थापा ‘बादल’, अर्थ एवं सञ्चार तथा सूचना प्रविधि मन्त्री डा. युवराज खतिवडा, भौतिक पूर्वाधार तथा यातायात एवं सहरी विकास मन्त्री वसन्त कुमार नेम्वाङ्ग र युवा तथा खेलकुद मन्त्री जगतबहादुर सुनार (विश्वकर्मा)ले विभिन्न विधेयक र विधेयकसम्बन्धी प्रस्तावहरु पेश गर्नुहुने छ ।