काठमाडौँ । शुक्रबार बिहान करिब ८ बजेदेखि प्रचण्ड निवास खुमलटारमा छलफल शुरु भएको छ । प्रधानमन्त्री ओली बाहेकका शीर्ष नेताहरु अध्यक्ष प्रचण्डको खुमलटार निवासमा छलफलमा उपस्थित थिए ।

प्रधानमन्त्री केपी शर्मा ओली नेपाल कम्युनिस्ट पार्टी (नेकपा) आयोजित खुमलटारको छलफलमा उपस्थिति नदेखिए पछि पार्टी भित्र समस्या रहेको अनुमान लाउन सकिन्छ ।

उक्त छलफलमा अध्यक्ष प्रचण्डका अतिरिक्त वरिष्ठ नेता झलनाथ खनाल, माधव नेपाल, उपाध्यक्ष तथा सचिवालय सदस्य वामदेव गौतमलगायत सहभागी भएका जनाइएको छ । पछिल्लो समय पार्टीमा देखिएको समस्या र त्यसको समाधानका विषयमा केन्द्रित रहेर छलफल भएको जनाइएको छ । बुधबार बसेको पार्टी सचिवालय बैठकले उपाध्यक्ष वामदेव गौतमलाई राष्ट्रिय सभामा पठाउने निर्णय गर्दा प्रधानमन्त्री तथा अध्यक्ष ओलीले चुनौती दिएपछि नेकपामा आन्तरिक विवाद बढेको छ ।

प्रधानमन्त्री ओलीसँग भेट गर्नुभन्दा अगाडि पार्टीले गरेको निर्णयका विषयमा पुनः केही वीमर्श गर्ने भनेर नेताहरु अध्यक्ष (प्रचण्ड)कहाँ भेला भएको अध्यक्ष प्रचण्डका निकट स्रोतले बताएका छन् ।