भक्तपुर, आज विश्व क्यान्सर दिवस नेपाल लगायत विश्व भर विभिन्न कार्यक्रम गरी मनाइदै छ । क्यान्सर रोग लागेका धेरैजसो विरामीमा निको हुदैन भन्ने अन्धविश्वास रहेको पाइएकाले क्यान्सर दिवस मनाउन थालिएको हो ।

क्यान्सर रोगको संक्रमण देखिने बितिकै उपचार गराए निको हुने चिकित्सकको भनाई छ । यस्तै खानपानमा ध्यान पुर्याएमा क्यान्सर लाग्ने जोखिम ४० प्रतिशतले कम हुने विश्व स्वास्थ्य संगठनले जनाएको छ ।

नेपालमा सुर्तीजन्य वस्तुको सेवनका कारण हरेक वर्ष क्यान्सरका विरामी बढ्दै गएको क्यान्सर रोग विशेषज्ञहरुले बताउछन् ।

सुर्तीजन्य वस्तुको सेवनका कारणले फोक्सोको क्यान्सरका विरामी धेरै छन् । त्यसपछि पाठेघरको मुखको क्यान्सर र स्तन क्यान्सरका विरामी धेरै भएका छन् ।