भक्तपुर, भक्तपुर क्यान्सर अस्पतालको पुरानो व्यवस्थापन समितिले गरेका सबै नियुक्तिलाई निर्वाचन आयोगले बदर गरेको छ ।

जिल्लामा निर्वाचन आचारसंहिता लागू भइसकेको अवस्थामा विभिन्न पदहरुमा गरिएको नियुक्ति निर्वाचन आचारसंहिता २०७२ को दफा ९ र १० विपरीत भएकोले आइतबार अस्पतालको का.मु. प्रमुख कार्यकारी अधिकृतमा रुपेश शिलाकार, का.मु. मेडिकल डाइरेक्टरमा डा. दिपेश ढकाल, का.मु. डेपुटी मेडिकल डाइरेक्टर डा. उत्सवमान श्रेष्ठ र का.मु. डेपुटी मेडिकल डाइरेक्टरमा डा.अजयकुमार झालाई गरिएको नियुक्तिलाई निर्वाचन आयोगले बदर गरेको हो ।

ती पदमा जुनसुकै तरिकाले नियुक्ति भए पनि उक्त नियुक्ति निर्वाचन आयोग ऐन २०७३ को दफा २३ को उपदफा (२) बमोजिम निर्वाचन आयोगले बदर गरेको ठहर गरी २४ घण्टाभित्र सोको जानकारी आयोगलाई दिन अनुरोध गरेको छ ।