हेटौंडा, नेपाली कांग्रेसका वरिष्ठ नेता रामचन्द्र पौडेलले सडकमा भारत विरुद्ध नारा लगाएरमात्र नेपालको सीमा क्षेत्रमा अतिक्रमण गरिएको जमिन फिर्ता नआउने बताउनु भएको छ । नीति, अनुसन्धान तथा प्रशिक्षण प्रतिष्ठानले हेटौंडामा आयोजना गरेको कार्यक्रममा बोल्दै नेता पौडेलले कालापानी क्षेत्रमा भारतले अतिक्रमण गरेको नेपाली भूमि फिर्ता ल्याउन सरकारले पहल गर्नुपर्नेमा जोड दिनुभयो ।

सरकारले देशको सीमा रक्षाको निम्ती गरेको जस्तोसुकै पहललाई कांग्रेसले साथ दिने बताउँदै राष्ट्रबादी कार्यमा कांग्रेस सरकारको सहयात्री हुने स्पष्ट पार्नुभयो । नेपालको भौगोलिक अखण्डताको रक्षाका लागि सरकारसँग काँधमा काँध मिलाउन कांग्रेस तयार रहेको बताउनुभयो ।