काठमाडौँ, प्रधानमन्त्री केपी शर्मा ओली बुधबार विहान अस्पताल भर्ना हुनभयो । १२ वर्ष अघि मृगौला प्रत्यारोपण गरेपछि नियमित स्वास्थ्यजाँचका लागि देश र विदेशका अस्पताल पुग्दै आउनु भएको छ ।उहाँको स्वास्थ्यवस्था सामान्य रहेको ग्राण्डी ईन्टरनेशनल हस्पितलले विज्ञप्ति निकालेको छ ।

विज्ञप्तिमा लेखिएको छ ‘सम्मानिय प्रधानमन्त्री श्री केपी शर्मा ओली ज्यू आफ्नो नियमित उपचार तथा स्वास्थ्य परिक्षणको क्रममा आज मिति २०७६ कार्तिक १३ गते बुधबार यस ग्राण्डी ईन्टरनेशनल हस्पिटलमा भर्ना हुनु भएको छ । उहाँको स्वास्था स्थिति सामान्य रहेको छ । सम्मानीय ज्युको आवश्यक परिक्षणहरु पुरा भए पछि आज राती अथवा भोलि सम्ममा यस हस्पितलबाट डिस्चार्ज गरिने छ ।’

प्रधानमन्त्री ओली पछिल्लोपटक ५ भदौमा सिंगापुरमा नियमित चेकजाँच गरी २० भदौमा फर्किनु भएको थियो ।