एजेन्सी, बेलायतमा आगामी डिसेम्बर १२ तारिखमा आम निर्वाचन हुने भएको छ । प्रधानमन्त्री बोरिस जोनसनको निर्वाचन प्रस्ताव संसदको तल्लो सदन हाउस अफ कमन्सले बहुमतले पारित गरेपछि अब आगामी डिसेम्बर १२ तारिखमा आमनिर्वाचन हुने पक्कापक्की भएको छ ।

डिसेम्बर १२ मा आम निर्वाचन गराउने प्रधानमन्त्रीको निर्वाचनसम्बन्धी विधेयकमाथि संसदमा मतदान भएको थियो । विधेयकको पक्षमा ४३८ र विपक्षमा जम्मा २० मत परेको थियो ।

यसअघि प्रधानमन्त्री कोर्बिनले तीन पटकसम्म ल्याएको निर्वाचन प्रस्ताव संसदले अस्वीकृत गरिदिएको थियो । तल्लो सदनबाट पास भएको निर्वाचनसम्बन्धी विधेयक अब माथिल्लो सदन हाउस अफ लर्ड्सले पारित गर्‍यो भने कानुनको रुप लिने छ । बेलायतमा पछिल्लो पाँच वर्षमा हुन लागेको यो तेस्रो आम निर्वाचन हो । सन् १९२३ पछि बेलायतमा डिसेम्बर महिनामा गर्न लागिएको यो पहिलो निर्वाचन पनि हो ।