इलाम, पूर्वप्रधानमन्त्री एवम नेकपाका वरिष्ठ नेता झलनाथ खनालले छिमेकी राष्ट्रसँगको समन्वय र सहकार्य नै समृद्धिको आधार भएको बताउनुभएको छ ।

भ्रमण बर्ष २०२० को प्रचारका निम्ती संयुक्त अरव इमिरेटस र साउदी अरेबियाका राजदूतसहित सन्दकपुर पुग्नुभएको नेता खनालले भारतीय पक्षलाई सीमा क्षेत्रको ख्याल नहुँदा नेपाल तर्फ विकास निर्माण समेत अवरोध सृजना भएको बताउनुभयो ।

सीमा क्षेत्र रक्षाको निम्ती दृढतापुर्वक सिंगो देश लाग्नुपर्ने बताउनुभयो । उहाँले नेपाल भारत सन्धिअनुसार पाएको भु–भागको रक्षाका निम्ती सवै नेपाली एकजुट हुनुपर्नेमा जोड दिनुभयो । दुवै देशले सम्झौतालाई आधार मान्दै स्थायी सिमा निश्चित गर्नुपर्ने बताउँनुभयो ।