सिराहा , प्रहरीले सिराहाको भगवानपुर गाँउपालिका–४ बाट करिब १५ लाख मूल्य बराबरको अबैधसामान बरामद गरेको छ ।

नेपाल–भारत सीमामा पर्ने भगवानपुर गाँउपालिका–४ को ठाढीस्थित एक अबैध गोदाममा शनिबार छापामारी प्रहरीले करीब १५ लाख मूल्य बराबरको सामान बरामद गरेको हो ।

इलाका प्रहरी कार्यालय लहानबाट खटिएको टोलीले अबैध रुपमा भन्सार छली गरी भारतबाट अबैध रुपमा तस्करी गरि नेपाल ल्याई भण्डारण गरिरहेको अवस्थामा लत्ताकपडा, खाद्यपदार्थ, मोटरपार्ट्स, हार्डवेयर सामाग्री र कस्मेटिक्स श्रृङ्गार लगायतका सामान बरामद गरेको हो ।

दशै, तिहार र छठलाई लक्षित गरी यतिको अबैध सामान भारतबाट नेपाल आयात गरिएको हुन सक्ने प्रहरीको प्रारम्भिक अनुसन्धानले देखाएको छ ।