काठमाडौँ, नेपाल कम्युनिष्ट पार्टी (नेकपा) को सचिवालय बैठक सम्पन्न भएको छ । पार्टी अध्यक्ष पुष्पकमल दाहाल प्रचण्डको अध्यक्षतामा सोमबार पार्टी कार्यालय धुम्बाराहीमा बैठक बसेको हो । उक्त सचिवालय बैठकमा पार्टीको केन्द्रीय कमिटीमा चारजना नेताहरुलाई थप्ने निर्णय गरेको छ ।

थपिएका केन्द्रीय सदस्यहरुमा देवेन्द्र पराजुली, कल्पना धमला, किरण राई र पदम राई रहेका छन् । साथै बैठकले केही नेतालाई विभिन्न विभागमा इञ्चार्जसमेत तोकेको छ ।

उक्त बैठकमा अबदेखि नेता तथा कार्यकर्ताहरुले सार्वजनिक रुपमा असन्तिुष्टि व्यक्त गर्न नपाइने निर्णय पनि गरेको छ । बैठक प्रधानमन्त्री तथा पार्टी अध्यक्ष केपी ओलीको स्वास्थ्य लाभको कामना गर्दै सकिएको हो ।