काठमाडौं, सरकारले नेत्रविक्रम चन्द ‘विप्लव’ को नेतृत्वमा रहेको नेपाल कम्युनिस्ट पार्टीसँग वार्ताको तयारी गरेको छ । समाचारमा लेखिएको छ, संघीय संसद्का सांसद सोमप्रसाद पाण्डेको संयोजकत्वमा गठित राजनीतिक वार्ता टोलीले सरकारसमक्ष प्रस्तुत गरेको प्रतिवेदनका आधारमा सरकारले विप्लव समूहसँगवार्ता तयारी थालेको हो ।

पाण्डेको टोलीले विभिन्न राजनीतिक दल र समूहसँग औपचारिक र अनौपचारिक छलफल गरी तयार पारेको प्रतिवेदन मन्त्रिपरिषद्ले आवश्यक कारबाहीका लागि अहिले गृह मन्त्रालयमा पठाएको छ । सरकारले अघिल्लो भदौ ८ मा विभिन्न राजनीतिक दल र समूहसँग वार्ता गर्न पाण्डेको संयोजकत्वमा टोली गठन गरेको थियो ।

नागरिक दैनिकबाट साभार