काठमाडौं, नेपाली कांग्रेसले निर्मला पन्ताई न्याय दिलाउन नसक्नु सरकारको ठुलो असफलता भएको बताएको छ । बलात्कारपछि हत्या गरिएकी कन्चनपुरकी निर्मलालाई न्याय दिन सरकार लज्जास्पद ढंगले असफल भएको कांग्रेसको आरोप छ ।

हिजो साँझ विज्ञप्ति जारी मार्फत कांग्रेस प्रवक्ता विश्वकप्रकाश शर्माले यस्तो प्रकृतिका घटनालाई नियन्त्रित र निरुत्साहित गर्न प्रभावकारी सन्देश सम्प्रेषण गर्नसमेत सरकार असफल भएको बताउनु भएको छ । सरकारले निर्दोषलाई दोषी ठर्हयाउने प्रयत्न गरेको पनि कांग्रेसको आरोप छ । सरकार भाषणमा बढी भेटिएको भन्दै प्रवक्ता शर्माले प्रधानमन्त्री र गृहमन्त्रीले समेत गैर जिम्मेवार अभिव्यक्ति दिएको बताउनु भएको हो ।