काठमाडौं । टी–२० विश्वकप २०२० को एसिया छनोट खेल्न नेपाली राष्ट्रिय क्रिकेट टोली शनिबार सिंगापुर पुगेको छ । नेपााली टोली टी–२० सिरिज र प्रशिक्षणपछि मलेसियाबाटै शनिबार सिंगापुर प्रस्थान गरेको हो । नेपालले मलेसियासँगको टी–२० सिरज क्लिनस्विप गरेको थियो । नेपालले पहिलो खेल २३ जुलाईमा कतारसँग खेल्नेछ । त्यस्तै, २४ जुलाईमा मलेसियाको सामना गर्नेछ । २७ मा कुवेत र २८ जुलाईमा सिंगापुरसँग खेल्नेछ ।

तुलानात्मक रूपमा कमजोर टोलीमाथि नेपाललाई सहज जितसँगै कीर्तिमान बनाउने राम्रो अवसर छ । २२ जुलाईदेखि २८ सम्म सिंगापुरमा चल्ने प्रतियोगिताको शीर्ष स्थानमा रहने टोलीले आगमी अक्टोबरमा हुने विश्वकपको ग्लोबल क्वालिफायर छनोट खेल्न पाउनेछ ।