काठमाडौँ,प्रधानसेनापति पूर्णचन्द्र थापा औपचारिक कार्यक्रम सम्पन्‍न गरी स्वदेश फिर्ता हुनु भएको छ । आज स्वदेश फर्केका प्रधानसेनापति थापालाई बलाधिकृत शरद कुमार गिरीले त्रिभुवन अन्तर्राष्ट्रिय विमानस्थलमा स्वागत गर्नुभयो ।

प्रधानसेनापति संयुक्त राष्ट्रसंघको ‍औपचारिक निमन्त्रणामा राष्ट्रसंघको मुख्यालय न्यूयोर्कमा British Armed Forces ले आयोजना गरेको First Women, Peace and Security (WPS) CHODS Network Meeting  तथा संयुक्त राष्ट्रसंघको सचिवालयले आयोजना गरेको तेस्रो Chiefs of Defence Conference मा सहभागी भइ स्वदेश फिर्ता हुनुभयो । उक्त कार्यक्रममा सहभागी हुन प्रधानसेनापति थापा असार २३ गते मित्रराष्ट्र संयुक्त राज्य अमेरिकातर्फ प्रस्थान गर्नु भएको थियो ।