वाशिङटन । अमेरिकी टेक कम्पनीमाथि फ्रान्सले ट्याक्स लगाउन लागेको बताइएको छ । त्यसैले अमेरिकी राष्ट्रपति डोनाल्ड ट्रम्पले ट्याक्सको सम्बन्धमा अनुसन्धान गर्न निर्देशन दिएका छन् र त्यस तर्फ चासो पनि दिएका छन । अमेरिकी व्यापार प्रतिनिधिले डिजिटल सर्भिस टयाक्सका बारेमा अमेरिकाको निकै चासो रहेको उल्लेख गर्दै यसले अनुचित ढंगले अमेरिकी कम्पनीलाई लक्षित गर्ने जनाएका छन् ।

फ्रान्सको संसदले विहीबार आज सो सम्बन्धी ट्याक्स स्वीकृत गर्ने अपेक्षा गरिएको छ । फ्रान्सको नयाँ कदमले गुगल र फेसबुक जस्ता अमेरिकी कम्पनी प्रभावित हुन सक्नेछन् । फ्रान्सको नयाँ नीतिमा फ्रान्सभित्र कारोबार हुने राजश्वमा ३ प्रतिशत लेबि लगाइने व्यवस्था गर्न लागिएको छ । यो ट्याक्स यो वर्ष ४सय ५० मिलियन डलरसम्म बढ्न सक्ने जनाइएको छ ।