बर्दियामा मरेको बाघको जुँगा उखेलेको अभियोगमा एक व्यक्तिले ५ लाख जरिवाना तिर्नुपरेको छ ।बर्दिया जिल्ला अदालतले उनलाई बाघ मारेको आरोपसमेत लगाई पक्राउ गरिएको थियो । तर बाघ मारेको प्रमाण फेला नपरेपछि उनलाई अदालतले उक्त जरिवाना तिर्न लगाई रिहा गरिदिएको छ ।

गेरुवा गाउँपालिका–४ शान्तिपुर धकनियाका सुन्दरलाल चौधरीले मरेको बाघको जुँगा उखलेर घरमा लुकाएको अभियोगमा ५ लाख जरिवाना तिर्नुपरेको हो ।

फैसलामा अभियुक्त चौधरीले गत पुस २८ गते बाघको जुँगा उखेलेर घरमा लुकाई राखेको प्रमाण फेला परेको र बाघको जुँगा घरमा राख्नु गैरकानूनी भएको उल्लेख गर्दै उक्त जरिवाना तोकिएको हो ।

अहिले वन्यजन्तु मारेको र अङ्ग ओसारपसारमा संलग्न अभियुक्तलाई ५ देखि १५ लाखसम्म जरिवाना हुने कानूनी प्रावधान छ ।