काठमाडौं प्रहरीले धर्तीमाता भनेर युवतीलाई यातना दिने र सिरिन्ज आक्रमणकारीलाई आज शुक्रबार सार्वजनिक गर्दैछ ।

नेपाली सेनाको मुख्यालय नजिकै भद्रकाली मन्दिरमा आफूलाई ‘धर्ती माता’ बताएर युवतीलाई यातना दिने गुल्मीको रेसुङा नगरपालिका घर भै काठमाडौं बस्ने धर्तीमाता भनिने विष्णु कुँवरलाई शुक्रबार बिहान बालाजुबाट पक्राउ गरेको हो ।

यस्तै, काठमाडौं उपत्यकामा युवतीमाथि श्रृंखलाबद्ध रुपमा सिरिन्ज आक्रमण गर्ने काठमाडौंको नैकापका ३० वर्षीय सन्तोष कार्कीलाई बिहीबार राति प्रहरीले पक्राउ गरेको हो ।

महानगरीय प्रहरी परिसर काठमाडौं र अपराध महाशाखाले आज बिहान साढे ११ बजे संयुक्त रूपमा पत्रकार सम्मेलन गरी तिनीहरुलाई सार्वजनिक गर्न लागेको हो