काठमाडौं महानगरपालिका—६ बौद्ध नयाँबस्ती नौतलेस्थित अमित मोक्तानको ड्रंकन मंकी क्याफे एण्ड रेष्टुरेण्टबाट पैसा राख्ने बाकस र नगद ८० हजार रुपैयाँ चोरी गरी भाग्दै गरेको अवस्थामा ३ जनालाई मंगलबार राति प्रहरीले पक्राउ गरेको छ ।

पक्राउ पर्नेहरुमा काठमाडौं कपन बस्ने रामेछाप घर भएका १८ वर्षीय अजय महत, काठमाडौं कपन शिवचोक बस्ने धनकुटा घर भएका १८ वर्षीय युनिष राई र काठमाडौं कपन खरीबोट बस्ने काभ्रे पाँचखाल घर भएका १८ वर्षीय नबराज नेपाली रहेका छन् ।

महानगरीय प्रहरी विट नयाँबस्तीबाट खटिएको प्रहरीले उनीहरुलाई पक्राउ गरेको हो । यस सम्बन्धमा प्रहरीले थप आवश्यक अनुसन्धान गरिरहेको बताएको छ ।