अमेरिकी राष्ट्रपति डोनाल्ड ट्रम्पले इरानले अमेरिकी गुप्तचर ड्रोन खसालेर निकै ठूलो गल्ती गरेको बताएका छन् ।

राष्ट्रपति ट्रम्पले नियतबस खसालिएको हो भन्नेमा आफूलाई अझै पनि विश्वास नरहेको बताएका छन् । उक्त घटनाले अमेरिका र इरानबिचको सम्बन्धमा थप तनाव उत्पन्न गरेको छ ।

ड्रोन आफ्नो हवाई क्षेत्रमा प्रवेश गरेकाले खसालिएको इरानले बताएको छ । तर अमेरिकाले भने आफ्नो ड्रोनले हवाई सीमा उल्लंघन नगरेको दाबी गर्दै आएको छ ।

अमेरिकाले मध्य पूर्वमा थप एक हजार सैनिक तैनाथ गरेको केही दिनमै इरानले अमेरिकी ड्रोनमा आक्रमण गरेको हो । इरानले भने आरोप अस्वीकार गर्दै आएको छ । इरानले अब युरेनियम प्रशोधनलाई अघि बढाउने जनाएको छ ।