काठमाडौं, गोकर्णेश्वर नगरपालिका-६ नयाँबस्ती शिव मन्दिरस्थित मोहन कार्कीको घरमा जुवातास खेलिरहेको अवस्थामा  बौद्ध नयाँबस्ती बस्ने रामेछाप घर भएका ३३ वर्षीय गोपाल घिसिङ लगायत ६ जनालाई ३ बुक तास र नगद २९ हजार ५ सय १५ रुपैयाँ सहित बुधबार दिउँसो प्रहरीले पक्राउ गरेको छ । महानगरीय प्रहरी वृत्त बौद्धबाट खटिएको प्रहरीले उनीहरुलाई पक्राउ गरको हो ।
बाँके, नेपालगंज उपमहानगरपालिका-२ स्थित जाजरकोटी भावना होटलमा जुवातास खेलिरहेको अवस्थामा जाजरकोट कुशे गाउँपालिका-७ बस्ने ३० वर्षीय कृष्ण बहादुर सिंह लगाएत ३ जनालाई  करिब ४५ हजार रुपैयाँ र १ बुक तास सहित बिहीबार बिहान प्रहरीले पक्राउ गरेको छ । वडा प्रहरी कार्यालय नेपालगंजबाट खटिएको प्रहरीले उनीहरुलाई पक्राउ गरेको हो ।
यस सम्बन्धमा स्थानीय प्रहरीले थप अनुसन्धान गरिरहेको छ ।