शिक्षा बिज्ञान तथा प्रबिधिमन्त्री गिरिराजमणि पोखरेललाई मुगुकी बालिकाले चिठी चिठी लेखेकी छिन् ।

ती बालिकाले मन्त्री पोखरेलको नाउँमा सानो चिठी लेख्दै भनेकी छिन्, ‘मन्त्रीज्यु, तपाइँले पठाएको पैसा पाएँ, खुसी लाग्यो ।’

शैक्षिक शत्र २०७५ को विद्यालय भर्ना अभियानमा अभिभावकत्व मन्त्री पोखरेलले कार्मायाङ्जीन लामाको अभिभावकत्व ग्रहण गरेकाथिए ।याङ्जिन लामालाई गाँउघरका सबैले हिजोआज ‘शिक्षा मन्त्रीकी छोरी’ भनेर चिन्ने गरेका छन् । उनी कनिकुथी लेख्न सक्ने भएकी छन् ।

शिक्षामन्त्री पोखरेलले देशमा रहेका विभिन्न जिल्लामा रहेका १५ जना बालबालिकाको अभिभावकत्व गर्दै आएका छन ।

पढाई खर्चको लागि मन्त्री पोखरेलले १० हजार रूपैयाँ पठाइएका छन । दश हजार मध्य २ हजारको झोला र अन्य सामान, आठ हजार नगदगरी जिल्ला समन्वय समितिका संयोजक पूर्णबहादुर रोकाया र प्रमुख जिल्ला अधिकारी जयबहादुर घिमिरेमार्फत हस्तान्तरण गरिएको हो ।