युरोप भ्रमणमा रहनुभएको प्रधानमन्त्री केपी शर्मा ओलीले आज फ्रान्सका समकक्षी इडुवार्ड फिलिपसँग भेटवार्ता गर्दैहुनुन्छ ।

प्रधानमन्त्री ओली बुधबार लण्डन मा राजकुमार हेयारी सँग भेट गरी रेलर्माफत फ्रान्सको राजधानी पेरिस पुगनुभएको हो र पेरिसमा आज उहाँले फ्रान्सका उद्योगी व्यवसायीसँग छलफल गर्नुभएको छ।

छलफलका क्रममा प्रधानमन्त्री ओलीले नेपालमा लगानी मैत्री वातावरण बनेकाले ढुक्क भएर लगानी गर्न आव्हान गरेको प्रधानमन्त्रीका प्रेस सल्लाहकार डाक्टर कुन्दन अर्यालले जानकारी दिनुभयो।

राजनीतिक स्थायित्व कायम भएको, कानुनी जटिलताहरु अन्त्य गरिएको र वैदेशिक लगानीका लागि प्राथमिकताका क्षेत्रहरु छनौट गरिएकाले लगानीमा जोखिम नरहेको प्रधानमन्त्री ओलीको भनाइ थियो।

स्वीट्जरल्याण्ड बेलयत हुँदै फ्रान्स पुगनुभएको प्रधानमन्त्री ओली असार १ गते स्वदेश फर्कने कार्यक्रम रहेकोे छ।