संघीय मामिला तथा सामान्य प्रशासन मन्त्री लालबाबु पण्डितले नेपाल सरकारका कर्मचारीहरुलाई बन्द र हडताल गर्न पूर्ण रुपमा प्रतिबन्ध लगाउने बताएका छन् ।
आईतबार संघीय संसदको राज्य व्यवस्था तथा सुशासन समितिको बैठकमा बोल्दै मन्त्री पण्डितले इमान्दारिता त्यागेर कामचोर प्रवृत्तिकाकर्मचारीलाई राज्यले दण्डित गर्न लागेको बताएका छन् ।

पछिल्लो समय ट्रेड युनियनमा आबद्ध पदाधिकारीहरुले आफुहरुको मर्यादाक्रम पनि विशिष्ट श्रेणीको कर्मचारी सरह हुनुपर्ने माग राख्दै आएको प्रति लक्षित गर्दै उक्त माग जायज नभएको मन्त्री पण्डितले बताएका छन् ।

साथै मन्त्री पण्डितले ट्रेड युनियनमा आबद्ध कर्मचारीहरुले ड्यूटी नगरे पनि तलब पाक्ने प्रवृत्तिको अन्त्यको लागि पनि सरकार ऐनको तयारीमा रहेको बताएका छन् ।