काठमाडौँ । सरकारले मन्त्रिपरिषदका निर्णय सार्वजनिक गर्न नियमित रुपमा सञ्चार मन्त्रालयमा आयोजना गरिँदै आएको पत्रकार सम्मेलन यसपटक कुपण्डोलस्थित हिमालय होटलबाट सार्वजनिक गरिने भएको छ ।

सूचना तथा सञ्चार मन्त्री गोकुल बाँस्कोटाले सामाजिक सञ्जाल मार्फत नियमति पत्रकार सम्मेलनस्थल परिवर्तन गरेको जानकारी दिनुभएको हो ।

बिहीबार अपरान्ह होटल हिमालयमा हुने पत्रकार सम्मेलनमा सुचना तथा सञ्चार मन्त्रीका साथै अर्थमन्त्री युवराज खतिवडा समेत सहभागी हुनुहुनेछ । सञ्चार मन्त्री गोकुल बाँस्कोटाले नै दुबै मन्त्री रहने जानकारी दिनुभएको हो ।

उहाँले नेपाल सरकारद्दारा साप्ताहिक रुपमा आयोजना गर्दै आएको पत्रकार सम्मेलन आज दिउँसो ४ बजे होटल हिमालय पुल्चोक ललितपुरमा हुने भन्दै सबै पत्रकार साथीहरूमा जानकारी गराउनुभयो ।