काठमाडौं । गुगलको प्रतिबन्धले हुवावे फोन प्रयोगकर्तामा कुनै असर नपर्ने हुवावे टेक्नोलोजी नेपालका प्रमुख जोयस झुले बताएका छन्। गुगलको प्रतिबन्धका विषयमा कम्पनीको तर्फबाट आधिकारिक जानकारी गराउने क्रममा झुले गुगलको प्रतिबन्धले हुवावे फोन प्रयोगकर्ताको अनुभवमा कुनै असर नपर्ने बताएका हुन्। हुवावे आफ्ना ग्राहकलाई नयाँ अनुभव थप गर्न सक्षम रहेको उनले उल्लेख गरे।

उनले अहिले देखा परेको समस्याले कम्पनीको सप्लाई र एजेन्सीमा समस्या आए पनि ग्राहकको मोबाइल प्रयोगको अनुभवमा कुनै असर नपर्ने दाबी गर्दै हाल सञ्चालन र स्टोरमा रहेको फोन यसअघि नै गुगलद्वारा सर्टिफाई भइसकेकाले त्यस्ता फोनमा कुनै असर नपर्ने बताएका छन।