काठमाडौं । नेपाली कांग्रेसका सभापति शेरबहादुर देउवाले गणतन्त्र दिवसको अवसरमा शुभकामना सन्देश जारी गर्नुभएको छ । उहाँले संविधानको संरक्षण र संघीय लोकतान्त्रिक गणतन्त्रात्मक शासन व्यवस्थाको संस्थागत स्थायित्व कायम गरी मुलुकलाई आर्थिक समृद्धिको मार्गमा अग्रसर हुन प्रेरणा प्रदान गरोस् भन्ने शुभकामना दिनुभएको छ ।

उहाँले निर्वाचन पश्चात मुलुक नयाँ युग प्रारम्भको ऐतिहासिक मोडमा अगाडि बढिरहेको बताउनुभएको छ ।
सभापति देउवाले स्थानीय, प्रदेश, प्रतिनिधिसभा र राष्ट्रिय सभाको ऐतिहासिक महत्वका निर्वाचन पछि संविधानको सफल कार्यान्वयन भइसकेको र संक्रमणकालिन राजनीतिबाट मुलुकले निकास पाएको बताउनुभयो ।