काठमाडौंः बालुवाटारमा प्रदर्शन गरेका अधिकारकर्मी कृष्ण पहाडीसहित २६ अधिकारीकर्मी पक्राउ परेका छन्।

संसद् विघटनविरुद्धको मुद्दा सर्वोच्च अदालतमा विचाराधिन अवस्थामा प्रधानमन्त्री ओलीले अदालतलाई प्रभावित गर्न अभिव्यक्ति दिएको विरोधमा बालुवाटारमा पुगेका शान्ति समाजका पदाधिकारी पक्राउ परेका हुन् ।

संसद् विघटनको विरोधमा शान्ति समाजको अगुवाइमा प्रधानमन्त्री निवास बालुवाटार अगाडि प्रदर्शन गरिएको थियो।

अधिकारीकर्मी पहाडीसहित २६ जनालाई प्रहरीले पक्राउ गरेको शान्ति समाजले जनाएको छ। उनीहरुले नेपाल पुलिस क्लबमा राखिएको छ।